咁梗係電話公司啦～！
每逢大日子～ SMS都係如轟炸般響爆電話～
四個六望完一次電話，都未來得切叫五個女已經再黎多一個～
SMS收發量實在比平日起碼提升十倍以上～
由記得GE到唔記得GE，或者預左佢會SEND到從來冇預過佢會SEND俾你GE人都收到
有D幾WARM有D幾搞笑～ 哈～～ 有D仲好冇誠意～
因為隨時側邊友人都會收到個一模一樣GE （不過其實我自己都係同一個SEND哂比全世界 kaka）
您地今年收到幾多個？！
聖經快樂各位觀眾～！
影張相先～！笑～！
女人成日抱怨男人望女仔, 咸濕
女人一生最大事業花得最多精神心機金錢落去就係自己儀容
各式各樣衫褲鞋襯埋配件
一行出街就好似去左fashion show咁
既然你地打扮得咁好心機, 當然唔可以浪費啦
掉返轉, 男人一生最大心血就係自己事業同身家
事業有成身家豐厚者亦當然左右逢緣
男人欣賞女人o既美貌, 而女人亦欣賞男人o既事業
有男人會因為女人外表出眾而拜倒石榴裙下
當然亦有女人因為男人身家豐厚而甘心被收歸褀下
男人有美女主動投懷送抱當然不會拒絕
女人有俊男送錢送禮亦無不收之理
咁當然, 凡事總有例外, 總不能以偏蓋全
男女既大不同, 亦互相吸引
你取你的我找我的
就如姣婆遇著脂粉客
當然能成就一段交易
至於交易內容及年期, 同會唔會係獨家代理
就會睇你地兩位點睇喇~
一講起呢個經典~
又勾起我唔少小時候o既回憶~
回想當年.....十零歲
日日放學經過屋企附近機鋪都要咀陣玻璃去睇人打機
當年呢個遊戲真係橫掃全世界
除左開創左半腳分輕中重之外
仲開創左CHOCK波同連續技~ 哈~~ 西利~~~
除此之外仲開創左鋪頭仔租機打呢個商機~
當時由於我未夠歲數入機鋪
所以我都變成留連租機鋪GE死o靚仔~
幾蚊一粒鐘任打~ 哈~~~
日日LAY o係機鋪鬥CHOCK波鬥屈機鬥讓Round玩到鬥無影撻同鬥痴身痴到甩唔到要RESTART過部機kakaka
玩死各人小地球人
一直風靡到出左好多個唔同版本
得八個人出到十幾個人~
跟住出埋電影仲成班同學仔拉大隊去睇~
我仲記得春麗係丘淑貞
張學友係軍佬
hahaha
忽然間好想再玩返tim~~ ^^"
相信呢個題目你未作過文都聽過
真係老土到震
但係每個人總會有一個志願,一個理想
有人想發達 (但係點先算發達?! 無志境GE慾望, 呢批人好難開心)
有人想做警察 (澳門GE紀律部隊GE紀律程度會令你理想幻滅)
有人想做教師 (而家D細路呢....... 唉...... )
有人想做好人 (劉華?!)
至於我.......... 我個志願好簡單~
我只係想 ...... 有人記得我!
屋企人哥隻?! 唔係~
係會用書記載哥隻 .....
不過我絕對唔會做開埠以黎第一個俾豆腐嗆死或者俾屁焗死GE人黎達成我目的GE~!!!
走著瞧!!! 
從前，有一個脾氣很壞的男孩。
他的爸爸給了他一袋釘子，告訴他，每次發脾氣或者跟人吵架的時候，就在院子的籬笆上釘一根。
第一天，男孩釘了37根釘子。後面的幾天他學會了控制自己的脾氣，每天釘的釘子也逐漸減少了。他發現，控制自己的脾氣，實際上比釘釘子要容易的多。
終於有一天，他一根釘子都沒有釘，他高興的把這件事告訴了爸爸。
爸爸說：“從今以後，如果你一天都沒有發脾氣，就可以在這天拔掉一根釘子。”
日子一天一天過去，最後，釘子全被拔光了。
爸
爸帶他來到籬笆邊上，對他說：“兒子，你做得很好，可是看看籬笆上的釘子洞，這些洞永遠也不可能恢復了。就象你和一個人吵架，說了些難聽的話，你就在他心
裡留下了一個傷口，像這個釘子洞一樣。插一把刀子在一個人的身體裡，再拔出來，傷口就難以愈合了。無論你怎麼道歉，傷口總是在那兒。要知道，身體上的傷口
和心靈上的傷口一樣都難以恢復。你的朋友是你寶貴的財產，他們讓你開懷，讓你更勇敢。他們總是隨時傾聽你的憂傷。你需要他們的時候，他們會支持你，向你敞
開心扉。”
近期好欣賞GE廣告~!
香港寬頻十八區報到
好一個經典～
最值得欣賞係廣告入面不論大人細路D表情都係咁得
但係我相信你地都係未睇得哂全套十八個GE～
黎呢度行個圈啦～ 齊哂～！
http://chinese.engadget.com/2008/11/23/hkbn-isp-new-ads2/
十個女人，八個話自己第六感準
係咪真係咁準？
其實我覺得係多疑作怪
當有件事你未知結果或是非
多疑嘅人總係將無限個可能性一一諗哂出黎
到結果揭曉，基本上實有一個中
而事實上人嘅記憶係有選擇性
只會記住D自己想記嘅嘢
一次又係咁兩次又係咁，久而久之就會覺得自己第六感好準
之前睇左本書叫做冷讀術
一種從各種結節同埋帶引導性問題去搏取人信任嘅說話技巧
應用得最多嘅就係所謂江湖術士
係咁依俾張紙筆俾你寫個名，問你幾個問題
再聽聽你說話嘅語氣同態度就已經略知一二
再擺出幾個可能性去預計一下你嘅過去
係咁依中一個半個你就會好似好準咁相信左佢
咁當佢預言你嘅將來嘅時候你亦都會深信不疑
什至慢慢會跟住佢所謂嘅“預言“黎行
各位專業心理醫生，合唔合理呢？^^"
呢排電視日日睇住一眾投資者追討關於雷曼兄弟賠償事件
實在聽到有點煩
本身都係做銷售業o既我, 深明講你就訓, 訓醒你又問o既顧客心理
一開始買哥陣冇睇清楚冇問清楚
完全都未知道自己買緊乜野同有乜野風險就中個頭埋去
我相信眾多存戶中各有各故事
有d連棺材本都冇埋
但係諗返轉頭, 點解連你自己用棺材本訓身去買o既一樣野你自己都唔問清楚先呢?
日日電視都有政府廣告話投資可升可跌, 叫你地唔好做羊問清楚先又當佢耳邊風
輸左錢走去追銀行, 不停搵理由等銀行可以入罪
但係一早合約簽左, 條款都列明, 單張都講明係高風險, 投資者亦需自己承擔
如果係贏錢, 我相信唔會有人去投訴銀行
輸錢就叫回水, 咁合約精神何在??
仲要不理智到要政府包底
"用納稅人o既錢黎補貼投資者o既損失, 我相信納稅人唔會願意"
講得非常好
投資失利, 應怪自己冇眼光亦冇去小心做工課, 更什者可以怪自己唔好彩, 除此, 仲怪得得邊個?
常言道: 人生如賭搏
怕輸唔好賭, 要賭, 輸左就唔好怨!
贏左錢唔見你俾貼士, 輸左錢怪派牌哥個手臭?! 成何道理?
琴日同朋友傾開計, 佢話佢同佢男友就黎六週年
跟住我就開始同佢計我同佢識左幾耐o勒
一計~ 仲耐過佢男友~
跟住我地又開始諗返我地第一次見面ge 細節
但係大家o既版本都好唔同 hahaha
記得當年我開始上網o個陣都成十一二年前
哥陣網民唔多
ICQ哥班都一齊玩得好熟 (其實而家仲有冇人用緊ICQ呢?)
雖然對我黎講, ICQ已經完成左佢o既歷史任務~
哥陣識左好多人~ 包括我第一個女朋友
不過其實而家仲有聯絡o既真係冇幾多位
有d仲其實識左十年八年都係未見過面o既tim kakaka
你地又有幾多個ICQ年代o既網友仲有聯絡緊呢又??
經常o係MSN睇到D千奇百怪o既 nickname (通常都係女仔, 改到唔睇返history 都唔知佢係邊個)
但最經常見到o既莫過於係關於愛情o既nick
而當中之冠莫過於要忘記誰
老生常談, 要解決問題首先要面對問題
忘記 .... 係逃避o既方向
你估真係可以當冇識過咩? 你估真係可以乜都唔記得咩? 咪玩啦 ......
近排見到有個網友msn 名打左行 "忘掉愛過的他"
又想唔記得, 又想佢影響唔到你生活
但係日日都上十個八個鐘msn 都見到關於佢o既標語
究竟係提你忘記佢丫定係提你想起佢呢?
仲要日日提住你愛過佢?!
放得低o既真係龜都吹得漲!!
醒下啦.....
話時話, 大家如果o係街撞返曾經傷你好深o既人, 或者好耐冇見o既舊情人~
會有咩反應呢? hahaha
